مساحة إعلانية
طرق وفارقتنا
وفرقتنا عن ناس كتير كانوا
في لحظة حياتنا ودنيتنا
والشكر للبعد اللي نَسَّي
شكل ملامحكم
محبتكم
اللي كات جوانا ومليتنا
وملِّتنا
من كتر ماكان لازماً كتير نمشي ومبنمشيش
ولو شوفتِك بتعشقي غيري كيف هعيش
ولو شوفتيني بقول القصايد لبنت تانية متشبهكيش
نتمني نتقابل في يوم ونِحكي
لكن كِيف هتستحملي حينها
عيوني اللي خلاص مبتحبكيش
وكِيف هتحمل اشوف حضنك بدون روحك
واشوف روحي في أحضان ميشبهونيش
ناس كتير مشيوا
وناس كتير فارقوا
وقبل مايتفارقوا مكلمونيش
العمر ثابت وبيسابق في ناس ميعرفونيش
هقابلهم مرة ويجمعنا ضحك
يجمعنا حلم .. يجمعنا أمل تعويض
خيالات ايام قديمة معاكم منصفتنيش
انا حلمي اني كنت هبقي
وحلمي جالي في منام من بطن أمي ومصادفنيش
قالي هتقابل كتير ياما
والموت يابني هناك مش ليك هتقوم وتعيش
قابلني الطريق بناس ضايقهم هناك ميزتي
مين فيهم يشيل شيلتي
وتجربتي وسنين أسايا وسنين حيرتي
استخسروا خلقتي وعيشتي
غموا عيونهم عشان ميشوفونيش
وقفوا الخبر عندهم مطلعونيش
منعوا الحق عن صاحبه
وصاحب الحق طول عمره بينصف
وليه مينصفنيش
البعض يحبوك ترقد جمبهم
والبعض يحبوك اكتر منهم
البعض ينسوك والبعض يفوتوك
والبعض يفرضوا عليك تخرج وتبعد عنهم
البعض عايزين يجووك في لحظة التتويج
والبعض هيتكسف مالخِزي
وقت متتتكشف اعمالهم
البعض بيضغطوا عليك بالسنين تفوتهم
تروح للغرب وانت مستمسِك
بإنك تقدملهم
كتير الغرب يقدروا
وكتير القرب يستخسروا
وكتير كتير وكتير
حبيت احبهم بالحب حبوني ومحبونيش
انا لسة باقي عالأمل والحلم
والتلاقي بالوطن والأم
وروح الخلق من وقت للتاني تجددني
وتسعدني بعين الأمل والحزن
بعين العمل والفن
وروح جناحاتها بترفرف
هنا في صدري
كشمعة خفيفة تلسعني وتعملني
تعود من تاني تحضني
وتغمرني بحب البِدء
وأمل العِشق
ونسمِة ما يوم يحررني
أشعار / ريمون روماني
التعليقات