كلمات اغنية ريمون روماني – 💙 صباح ديسمبر

صباح ديسمبر

والليالي بتاعته برد

قَليل هزار

والباقي جد

وإلتحاق كل اللي فاضل

واستباق ايام سنين

واشتياق للي راحِل

واستياء من الأنين

بفعل ضغط الليالي

اللي كان نفسك تساع

حلم أكبر

نجاح وأكتر

وشخص أشطر

ماللي هيقول وداع مع السنادي

قبل ماينبت من بين ضلوعي شخص تاني

فيه بواقي مني مخلياني

لسة عارف اني هو ولييه بنادي

لسة طفلي فيه بدادي

بشوية النور اللي فاضل

بشوية خيالات ولادي

شوف هاجرت في كام طريق

وشوف بلادي

وشوف الذكريات اللي كتروا

شوف مين تلاشَي كالبخار

واللي سافروا

واللي هاجروا

واللي واحد تاني صار

واللي فاكرُه بالحب بس ، رغم إنه كان مرار

واللي لَذ بالفرار

من قبل حتي المحاولة

عِد كالعادة في الأواخِر

خُضت في سنتَك كام ضيق وجولة

احسبها ضمن الانتصار

مافيوم النصر مسيرك هتسرِد كل اختيار

هتكتب تاريخك بفعل الألم

هتثبت إنك أخيراً صاحب قرار

هيكون فإيديك القلم

اللي كل كلامه نور

هتحاول تفتكر كل السطور

فتلاقي كتير منها اتنسي

كنت فاكره من الجدور

هتحس نفسك واقف وراك انقاض لسور

وعنيك قدامك لفوق

لطعم الهوا تدوق

مش شايفة غير فرحَة وضوء

والقديم مهدوم خلف رِجلَك

من وقت للتاني تفتح سجِلَّك

وتستعيد ليل الحروب

لاجل ماتعرف انك مُحارِب

محبتش ابداً باب موارب

خُضت المعارك دقت التجارب

وكسبت في كل الدروب ..

تعود من تاني ليالي ديسمبر

اقول هتوب

ألاقي روحي بتغازلها

عايزة تشبك في دراعاتها

عايزة تفك ضفيرها

عايزة تدخل معاها لكون جديد

ايام ديسمبر حسبِة سنين

مسكت إيدِك في الغيوم لقيته عيد

يوم واحد بس نصه بكل اللي فات

ونصه خيال وجاي مع سنة جاية من بعيد

بس صَبَحِت أمر واقع

وفرق شاسع

بين الأمر اللي يوجع

وبين أمر انك تعيش سعيد

الحلم حلو لما تشيله مش بس إيد

الفرحة حلوة وانتي هناك

الفكرة معاكي جميلة

مش مع الناشف عنيد

للعمر معني وهي معاك

اللوحة في ديسمبر أبيض وأسود

لحد ماييجي يلونها الملاك ..

#ريمون_روماني

١ ديسمبر ٢٠١٩