كان بينا وعد و مكتملش
كان بينا ذكرة متدفنش
كان بينا فكرة نفضل لبكرة لو كنتي فاكرة منتجرحش
زلة لسان و مكنش قصدي
دا انا كنت حابب ان انتي حظي
و في لحظة خلصت خناقة كبرت و هي سكتت وجعت قلبي
و قلت عادي ماهو دا الطبيعي
مكنش في بالي انك تبيعي
مكنش في بالي انك تضيعي
من ايدي
روحت اصالحها لاقتها ساكته
كانت قاعدة المرادي رافضه
قالتلي تعبت من العياط
قلتلها انا مش قد الفراق
قالتلي انساني زي الي فات
قلتلها انا مش قد الفراق
قالتلي هتنسي ما انت شاطر في النسيان
قلتلها بحبك بس مقالتش وانا كمان
سمعت صوت قلبي بيتكسر
وشي بلم وانا مش ببتسم
عقلي هنج نصين يتقسم
ضلمه حاضرة ب جرحي بيترسم
الوم علي نفسي مرة اني غلط و زعلتك
والوم عليكي الف مرة انك مسمحتنيش
انا عارف ان اليوم دا كئيب و ان انا جرحتك
بس انتي ليه المرادي مسمعتنيش
ما انا اتأزيت منك كتير
و كنت بعدي و بقول دا خير
ليه دلوقتي بقيت تقيل
ليه دلوقتي بقيت شرير
وانا كان مالي و مال الحب ؟
جبت لنفسي وجع القلب
اكني لوحدي في وسط الحرب
الدنيا ضلمه عايشها في رعب
وانا كان مالي و مال الحب ؟
ما انا كنت تمام و سليم القلب
كنا حبايب بقينا غرب
كنت اساسي بقيت علي جنب
علي جنب ساكت في الضلمه
و مغمض عيني علي صورنا
عمال اتخيل احلامنا
الي راحت
علي فكرة انا هفضل استني
يمكن تتعطفي علي كلامنا
او حتي تحني انا اتمني
نرجع سوا
انا بعترف اني غلطان
متاخرة بس انا ندمان
هل ممكن نرجع زي زمان
ولا ايه
انا مش مبسوط من ردها
انا مش مظبوط من بعدها
عشمتني فرحتني كسرتني في وقتها
انا لسه بحبها
لسه بحبها
طب حد يقولها
حد يقولها
يحنن قلبها
من تاني اروحلها
فرصه تانيه انا قدها
انا لسه بحبها
لسه بحبها
لا يا عيني متدمعيش
لا يا عيني متدمعيش
وجع في قلبي ميتنسيش
انتي اصلا متتنسيش
في ناس هتفضل في قلوبنا
مهما قرروا يبعدو عنا
يمكن دا احسنلهم
بس عمرة ما كان في صالحنا
قسمة و نصيب و نصيبنا نكون بعاد
انا نفسي ارجع بالزمن واليوم يتعاد
قالتلي بكرة هتنساني و هتعدي ظروفه
و بكرة جي وانا مش عايز اشوفه
وانا كان مالي و مال الحب
انا لسه بحبها
جبت لنفسي وجع القلب
انا لسه بحبها
اكني لوحدي في وسط الحرب
طب حد يقولها
الدنيا ضلمه عايشها في رعب
انا لسه بحبها
وانا كان مالي و مال الحب
كان مالي و مال الحب
انا مالي و مال الحب
مالي و مال الحب
لسه بحبها
التعليقات