بسابق عمري
و عمري بيجري
بحاول ألحق
مش قادر أجري
قررت أنا أمشي
و ع الله أجري
عايش على قدي
مستكفي بأجري
و بصلي و بدعي
في صلاة الفجر
و ولادي الخمسة
نايمين في حجري
لا البيت مكفي
ولا زادي موفي
وبقول مستكفي
و بعض على كفي
و ف عز الشوب
نايم متدفي
ماشي بطريقي
وفي راسي مسائل
بجيب و بودي
مش لاقي بدائل
مشاويري طويلة
و همومي تقيلة
بمشي و بعافر
و همومي أنا حامل
باكل على راسي
و ما حدش سائل
و الحظ معاند
أو إنه مايل
أنا راضي بحظي
بس مش متفائل
و لو شفت ناطور
مش طبعي أقائل
و العنب الحامض
برضو مش طايل .
التعليقات