ونصبح كده علي ناسينا
تجينا تنور ليالينا
في المياه ندندن و نقول
يا مهون هونها و قول
يامهون هون علطول
والليلة بنكتب اغانينا
تدفى في بلدنا الزينة
بالفرحة ننام و نقوم
يا مهون هونها و قول
من الفجريه نازله من بيتها
راضيه ديما كده بعشيتها
باصه للسما رافعه ايدها
عارفه يستجاب دعوتها
يارب .. ارزقنا
لسه هنجيب بقي قوت يومنا
نغطس تحت بكل هدومنا
نرمي للبحر رزق همومنا
كل واحده فيهم ايدها ولا ١٠٠ شبكة
نازله بقلب جامد تجيب كام سمكة
تشق البحر بعزم ولا ليها مالكه
كلو سعي رزق حتى النيه اهي سالكه
تصتاد رزقها بأديها
الناس هنا بتبص عليها
خيرات ربنا حوليها
افرجها يارب ارزقها عليها
قرص الشمس بيغرب
ابدأ احس بهدت حيل
عرقنا سال في المياه
طلع رزق بكل الخير
لمى حاجتنا ياحاجه
لمى وجبرت صيد اليوم
قد ماخدنا البحر
قد ماخد مننا هموم
ونصبح كده علي ناسينا
تجينا تنور ليالينا
في المياه ندندن و نقول
يا مهون هونها و قول
والليلة نكتب اغانينا
تدفى في بلدنا الزينة
بالفرحة بننام و نقوم
يا مهون هونها و قول
يالي جبت رزقي حدف بحر
هات وهون اللي فات في شهر
هات وهون اللي فات ف عمر
فيض و جود ب خير .. كبير
هونها يارب وهون .. كاتب عندك ومدون
رزقنا ف البحر ملون .. عندك ياما لسه كتير
تصتاد رزقها بأديها
الناس هنا بتبص عليها
خيرات ربنا حوليها
افرجها يارب ارزقها عليها
التعليقات