امي من يوم ولدتي ايدك سانده كفي
مهما قولت كلام كتير برده مش هوفي
ياضحكه بتهون عليا وبنسي اني بقيت كبير
في حضنك ببقي مبسوط ومن الفرحه هتطير
ياحب بالفطره اتخلق وعمري ما اعرف اوصفه
لو عدي ميت مليون سنه انتي الحنان من اوله
حبك ربيع بيدفي قلبي لما برد الشتا يطوله
يا غنوه ما بين شفايفي لحنها بيجبر كسوره
عمري ما انسي اول مره بعد فيها عنك
كان اول يوم في المدرسه لما دموعك نزلت منك
ديما في ضهري بتسنديني وعلطول بتشجعيني
ربي وصاني عليكي وبدعيله في يوم ما تسبيني
ازاي قادره تكون فرحه الجميع
والحزن من جواكي ماليكي من غيرك اكيد هضيع
بتأدي دورك في الحياه ومفكرتيش منها تهربي
ديما بتلمينا حواليكي ومننا بتقربي
واقف زي الجبل شايله عني كتير
وان تهت في الحياه حضنك هو الدليل
التعليقات