حيل محتاج المحنة
حبني حبني اشكد متكدر
بغربة اني وحيل اعاني
العايف اهلة بظلة يعثر
رايدك تحظني حظنة
مالت مفارك وطن
بس اشوفك صور ربعي
كلهن براسي اجن
تواصل وياية ولتكطع
بية مكطوع الوصل
حتة من تنام فدوة
بالحلم بية اتصل
جيبني كوة اعلة بالك
ومو شرط تذكر صدك
دكلي بابي الوحشة تكتل
حيل خل كلبي يدگ
صيحلي بچلمات اهلنة
خل انسم واستريح
اكو سوالف چنهة مرهم
ممكن تطيب جريح
شوفني وضعيتي صعبة
فدوة فدوة اتعبلي اكثر
كلبي خايف وانت شايف
بعيني جاي الكون يزغر
صارلي تچاية شوگك
وانة بدونة جا طحت
والله لو مو انت يمي
من زمان اني متت
بية احس ميتة المشاعر
حتة ما احس بالجروح
تعرف اشسوت ضحكتك
بروحي زرعت هية روح
الله لا ما ينسى واحد
ابد واعرف يدري بية
مسوي شي زين بحياتي
لهسبب دزك الية
شايف من تعيش خنگة
وتخطف النسمة عليك
بالضبط هيج انة حالي
من ابجي وتمدلي اديك
التعليقات