كلمات اغنية سعود السهلي – ماهو انساني

ياوجد حالي من الحرمان و الحره

عناني الشعر .. ولا الجرح عناني

من نبرت الصوت .. ولاحدت النظره

أنا اكبر من البكي واصغر من احزاني

لو أكتم الحزن .. تفضح حزني النبره

‏لو أشحذ الوقت ضحكة عمر .. بكاني

واقلبي اللي صبر .. حتى نفذ صبره

بديت احس الزمن صار يتحداني

يردف عليّ الحزن كره ورى كره

في سكة الحب مدري وين وداني

افكاري فـ غيبته تعتب وتتشره

يفيض صدري عتب ويقوله الساني

للجادل الفارقه والفاتن الحره

اللي غلاها له إحساس وشكل ثاني

عيني عليها من التذكار محمره

وطاري وفاها من اللوعات سراني

نزفت فيها الشعر دره ورى دره

كابرت .. حتى كبر همي وحرماني

ذكرتها والليالي حلوه و مره

وشلون تقسى علي وتروح تنساني

الحب : يا قل خيره .. يا كثر شره

لاطحت بإنسان لكن ماهو إنساني