كلمات و غناء و هندسة صوتية : Ahmed Yehia
ألحان : CUS Sampled
الكلمات :
انهارده بجد اول مرة احس اني سعيد
يوم مش عادي انا هادي بس قلبي ضرباته بتزيد
زوقونا خلوا الناس تفرح بيومنا
صبرنا فانولنا بعد تحدي كل اللي كان بيلومنا
بدلتي و خاتمي نفسي الليل يجي عشان
اقول في وسط الناس ان انا بحبك من زمان
تعبت عشان اوصلك و اديني بين ايديكي
كل اللي عاوزه في حياتي اني اسعد فيكي
ملهوف مش خوف عارفك هاتموتي من الكسوف
عاوز كل اللي اعرفه ياخد باله مننا و يشوف
فرحتي اخيراً هاكون ضهرك انا و حماكي
عيشت اتمني اللحظة اللي اكون فيها معاكي
زغاريط بسمة وغني مايمهمنيش غيرك انتي
كفاية عليا ابوس دماغك وسطهم يا حبيبتي
و اقول بعلو صوتي هي دي اخر احلامي
هي دي هديتي من الدنيا احلي حاجة في ايامي
فرحنا يوم اثبات حبنا مش مجرد فرحة
حبيتك بجد لحد ماشوفتك لابسه الطرحة
وجودك للأبد ويايا نعمة كبيرة من ربنا
حافظنا علي بعضنا ففرحنا بفوز حبنا
شايفك ملاك مش بشر ومافيش زيك فالكون
تعبت و مهما هاتعب اي شئ لأجلك يهون
تصقيف وورد حوالينا ده الكل بيتمنالنا
ندوق في حياتنا الهنا بعديها نخش الجنة
ده انتي جنتي و امنيتي مش هاخبيها وهاقول
مش عايز من اللي باقي من حياتي غير اني اطول
رضاكي و ضحكتك و ووجودك للأبد
قلبي من فرحته بحبك ركع للمولي وسجد
دموع هانشوفها اصلنا حققنا خلاص امانينا
مافيش غير خوف و حب بجد اللي مالينا
هاقولك رضيت اكون ضهرك و راجلك في الحياه
ولما اموت مش عاوزك تنسي اللي عشتي جواه
عزلت روحي عن كل البشر واختارت دنيتك
مسحت جروحي بحب قمر نور قلبي بضحكتك
فِرحنا بفرحنا و حسينا ان احنا احلي زوجين
جرحنا جرحنا فبقينا فرحانين لسنين
فرحنا يوم اثبات حبنا مش مجرد فرحة
حبيتك بجد لحد ماشوفتك لابسه الطرحة
وجودك للأبد ويايا نعمة كبيرة من ربنا
حافظنا علي بعضنا ففرحنا بفوز حبنا
التعليقات