يا من على شانك تمثلت لرضاك
عطني من خلاصك جزن في وفايه
ادر المحبه والمواثيق وياك
ان كان قلبك صادقن في غلايه
قلبً خذيته من محاكيك يفداك
انت السبب وانت الحكيم بدوايه
انا برجى الله وانتظر منك فتواك
ان كنت مخطي لاتبين خطايه
تذكر سنينً بالصباء كنت وياك
اضحك معك وانته تغشمر معايه
اجي المكان اللي تبي واتحراك
ما كنت افكر بك سبايب عنايه
ما فيه يومن خاطري ما تمناك
انت الغلا وانت الأمل في منايه
أحلف لك بربن خلقني وسواك
انك عديل الروح حتى النهايه
ما دمت انا حياً ابا عيش ذكراك
واسمي العشره من أجلك بدايه
لا تسمع النمه من عداي وعداك
يفرح علينا مروجين الدعايه
الله يصبرني على حر فرقاك
لو الخطأ ماهو سبايب خطايه
التعليقات