أنا اللي كتير بلوم نفسي وتاعب روحي ويايا
عشان مش راضي على نفسي همومي شايلها جوايا
لابس وش مش وشي، تشوفني تقول جبل واقف
وعامل إني ما بخافشي لكن دايمًا بكون خايف
صحيح البخت خدني ومال وأديني كمان مقضيها
وكل يومين بكون على حال، وأعمل إيه بعديها
الناس خلونا نبقى ع الدنيا دي ما نبقى ونداري في ضعفنا
يا نعيش راضيين غلابة يا نكون زي الديابة روحنا على كفنا
الناس خلونا نبقى ع الدنيا دي ما نبقى ونداري في ضعفنا
يا نعيش راضيين غلابة يا نكون زي الديابة روحنا على كفنا
أنا اللي كتير بلوم نفسي وتاعب روحي ويايا
ماليش في الدنيا دي سكة
وعايش فيها على تكة
بداري الآهة بالضحكة
ومستني ليها نهاية
بموت جوايا مية مرة
ونفسي أرتاح ولو مرة
بحاول أحلى في المُرة
عشان تعدل كده معايا
ماهوش ذنبي إن ده مكاني
حلمت أكون واحد تاني
لعبت كتير دور الجاني
كفاية خلاص كده عليا
يا عالم حسوا من الآخر
بقيت من روحي ع الآخر
ومش عارف ولا قادر
أخبي الدمع في عنيا
الناس خلونا نبقى ع الدنيا دي ما نبقى ونداري في ضعفنا
يا نعيش راضيين غلابة يا نكون زي الديابة روحنا على كفنا
الناس خلونا نبقى ع الدنيا دي ما نبقى ونداري في ضعفنا
يا نعيش راضيين غلابة يا نكون زي الديابة روحنا على كفنا
التعليقات