اه من اللى شوفته من عيالى
واللى عملوه فيا رخصونى وخالى حالى
يبقا صعب ياناس عليا
واللي عشت ليهم وشلتهم فى عنيا
من بعد ما راح ابوهم وبقول هما اللى ليا
واللي عشت ليهم وشلتهم فى عنيا
من بعد ما راح ابوهم وبقول هما اللى ليا
ماعشتش يوم لنفسى ماقولتش يلا نفسى
ماعشتش يوم لنفسى ماقولتش يلا نفسى
عليهم ضاع شبابى والعمر عدا بيا
ايام ماكانو معايا لسه وجوه حضنى
انا كنت بشيل همومهم وبقول حته منى
ايام ماكانو معايا لسه وجوه حضنى
انا كنت بشيل همومهم وبقول حته منى
ياما عشانهم تعب ياما عليهم سهرت
ياما عشانهم تعب ياما عليهم سهرت
دلوقتى يشوفو حالى دلوقتى ياناس رخصت
فكرت اروح لمين يبقا حنين عليا
روحت لابنى الكبير وبقول هيحس بيا
قالى بيتى وعيالى اولى منك بمالى
معلش يما اسف مانتى عارفه حالى
روحت اشكى للصغير منا يما شلت همو
بقول يمكن وجايز هيحس يا ناس بامه
لاقيته قال مسافر خلاص مهاجر القسوه فى قلبه بانت
قولت فى بالى خلاص مش فاضل الا بنتى
اروح واعيش معاها ماهى بردو بنتى
طلعت مش فاضيه ليا مش شايفه دموع عنيا
يا خساره يابنت عمرى قدرتى تقسى عليا
لاقتنى رايحه لابوهم اقرارو الفاتحه وابكى واقوله شوف عيالك
مهنم جيالك اشكى
سرقو من عمرنا الفرح والهنا من بعدك انت ياغالى ماليش غير ربنا
التعليقات