أوقات كثير وإنت معايا بفكر فيك
وأقعد كده أتأملك فرحانة بيك
وأفضل أراقب كل تصرف ولا حركة
وأنا مبسوطة وباهتمام ما يبانش ليك
وإنت بتقرا وإنت بتشرب فنجان شاي
وإنت بتاكل وإنت رايح وإنت جاي
وبتبقى فرصة وإنت مركز أوي مع حاجة
بقعد كده أتفرج عليك
ساعتها بسأل نفسي أكثر من سؤال
هو إنت مين هو إنت واقع ولا خيال
وإزاي كده إنسان أوي وفاهم أوي
وبتحبني وأنا برضو كمان بحبك أوي
وساعات كثير بستغربك نادر أوي
إنسان تلاقي فيه الرجولة والجمال
إنسان، إنسان، إنسان
أوقات كثير لما نبقى وسط الناس
بلاقي نفسي فجأة بعيش نفس الإحساس
ببقى عايزة أشوفك بينهم أو بعينهم
ليك حضور هيبة احترام عندك إحساس
والفرق كبير بينك وبين غيرك وأفوق
على نظرة كلها إحساس وشعور
إنسان مفيش جواك مشاكل أو عقد
واثق في نفسك كلمتك طالعة بهدوء
ساعتها بسأل نفسي أكثر من سؤال
هو إنت مين هو إنت واقع ولا خيال
وإزاي كده إنسان أوي وفاهم أوي
وبتحبني وأنا برضو كمان بحبك أوي
وساعات كثير بستغربك نادر أوي
إنسان تلاقي فيه الرجولة والجمال
إنسان، إنسان، إنسان
التعليقات