بدور واشوف اسمي تايه في الكشوف
اصل كبرت اهو وهتعين مش هاخد تاني المصروف
بدور واشوف اسمي تايه وسط الوف
ادام عنيا ظاهر بس مش شايفاه من الخوف
مع ملي استماره ودمغا من تحت العماره
معاد مقابله لسه قائم بس بأمر من الوزاره
اختبار في اختبار وتصحي بدري دي الشطاره
يارتني معايا وسطه او درست في التجاره
سؤال وجالي من مدير مكشر لابس بدله
معاكي واسطه لا والمصحف راح عامل اللقطه
ولقطه تانيه بنت بتدخل بس لابسه قصير
بصتله بصه ف لحظه خلت المدير متغير
اهلا اهلا ست الكل اهل بنت معالي الباشا
مكانك مش معانا مكانك فوق مع نجم الشاشه
وانتي تحت ف الارشيف تيجي تمضي كل يوم
بنت الراجل المهم تيجي بس ف اللزوم
من واسطه لمحسوبيه انا ضعت في الليله ديا
من واسطه لمحسوبيه مش لاقي مكان فاضي ليا
من واسطه لمحسوبية عمري ما اخدت خطوه لقدام
من واسطه لمسحوبيه في الفيلم ده مش هبقي فندام
بداية مرتب من 800 جنيه
لو فكرت اني ابدأ في المستقبل هعمل ايه
ف المرتب و الديون من نص الشهر جيبي فاضي
بستلف من صحابي واي حد معدي اصادي
ببدأ تاني وارجع تاني اقول بردوا لازم احاول
مع ان كل شوطه ف الحياه رجعالي بفاول
من هبدأ زي ما هبدأ واعن مبدأي مش هتخلا
الصبر والعزيمه بقوي نفسي ومش بستنا
بحاول واقاوح مش بسيب ظروفي تتحكم
انا واثقه من قدراتي بجد فعلا مش بنجم
انجم وماله واطلع منها بسبوبه
مش يمكن تطلع حلوه واجيب منها حق الانبوبه
شغل الدماغ بتاعتك واطلع بيها بالمفيد
يمكن تدخل جون ف مره اخلق منك شخص عنيد
يواصل يفاصل يعمل شبكه من التواصل
يخلق منك شخص ناجح يعمل منك شخص واصل
التعليقات