مساحة إعلانية
مين اللي باع مين اللي خان
مين اللي حب ووعد فعشرة سابها و استهان
مين اللي قالي الوعد سيف ومش مجرد كلمة
مين اللي قال هتعيشي فنور وانت معيشني في ضلمة
اسف دي كانت كلمة انسيها عيشي حياتك
اسف دي كانت غلطة احسبيها من زكرياتك
دي مجرد كلمة ؟
والقلب بينبض اسمك وانت ليه مش حاسس ليه
كل ما ببعد عنك ترجع وترجعني فأيه
وعدت بعدت كسرت سحبت كل كلامك عادي
سبتني خنتني بعتني ماشي وقلبي عليك بينادي
طيب قلبي ده كان بيسامح بس غلطه فغلطه بيزهق
من كدبك من اسلوبك من تقديرك ليا ده مبدأ
هتغير متغير فهغير كلمة كتير بسمعها
عشت حياتي مطعطله ومشوفتش فعل نفعها
بايعني مش شاريني حتي عيوني فرحان بدموعها
حببتني جايز او جايز تكون محبتنيش
بس الاكيد مش ممكن بيك من غيرك هقدر اعيش
مش عشت من بعديا في بعدي عادي مكنش فارق
فتعيش دور الضحية وتبقي لأي فرحة سارق
فترجع تندم تاني تحكي تقول ده كان وكان
وانا نفسي ارجع مره واحده لأي يوم زما ن
ارجع تدوس بكل عزم ليك وكل عافية
مفيش رجوع تدور تدور خلاص مبقتش صافية
بضحك بعزم ما فيا لكتم كل وجعة اه
بضحك بدموع عنيا اخبي وادعي يوم انساه
بحق كل مره وجعت قلبي ف وسط فرح
بحق كل وعد خنته وسبت فيا جرح
بحق كل زكري وعشره ويا عيش وملح
بحق كل دمعه نزلت مش هتتمسح
من زكري وسط زكريات كدابه زايفه
شيلت الستار من عيني لكل خدعه شايفه
التعليقات