بدون مقدمات حياه فاضية للبيع
من قال شاري و أنا بأرخص تمن ابيع
حياه فاضية...حياه مُملة
حياه كئيبة...حياه مُذلة
انا مبقيتش عارف حاجة مبقيتش عارف نفسي
لما بصيت في المرايا شوفت نفسي حد تاني
انا عمري ما في مرة أشتقت و قولت نفسي
انا عمري ما أتغيرت فيوم لـ سلبي او اناني
انا تايه مش عارف اي طريق امشيه
حاسس بغربة مشوار حياتي تهت فيه
مش عارف همشي لـ فين مش عارف همشي إزاي
مش عارف انا إزاي ناوي اكمل عمري الجاي
حياتي متبعترة مش عارف يوم أتغير
و الذكري قدام عيني و العمر أكيد قصير
انا حتي كلامي نسيته و الوقت اللى حبيته
بأيدي انساه كمان وانسي حلمي اللى بنيته
تايه مش عارف مين ضدي او معايا
انا تايه في الدنيا انا و انت يا عمري حكاية
تايه مش عايز اكمل عمري عذاب
اجري ورا الامل الكداب و اوهام
من صغر سني و أنا , واخد حياتي جد
اول شئ اتعلمته حياتي متقفش علي حد
انا عمري ما كنت كاره انا بحب الحب
بس انا تعبت كل ما امشي طريق بيطلع سد
بقيت بقوم مـ النوم , و ارجع و أنام تاني
أصرخ بعلو الصوت , و الدنيا مش سامعاني
شايفاني , مبقاش جوايا غير اماني
حساني , مفتكرش انك حساني
وكل يوم بيعدي بيكسر حاجة فيا
و حياتي اللى بحبها طلعت غلطة مطبعية
انا لازم اعيد حسباتي مين معايا و مين ضدي
من النهاردة لازم أد ما أخد أد ما أدي
أنا لازم أغير نفسي انا لازم أجدد روحي
أنا لازم أنسي شقايا و ارمي ورايا كل جروحي
أنا من النهاردة نويت بقدرة ربي أتغير
و خلاص من النهاردة انا مش هرجع تاني أتحير
التعليقات