كل سنة وانتِ بخير
كل سنة وانتِ معاي
كل سنة وقلب كبير
كل سنة وانتِ دواي
عشرين سنة معاك
ناجح حمدالله بدعاك
مسكونة ف وسط القلب
تمنيت نكون حداك
استاحشتك ماما
نفكر فيك سرحان
نشوف صورك ماما
نضحك واني فرحان
امي الدمعة في عيني
ندعي ربي يهديني
حبك لي مصبرني
وعيونك هيا تواسيني
ماما كلامي كله ليك
كلام الدنيا مايكفيك
مالقيتش وصف ليك
نورك مضويلي طريق
انتِ دواي للوجع
انتِ الصحبة مافي خدع
مافيش بعدك غالي
انتِ اغلى من حالي
انتِ الحب الاول
انتِ الحب المطول
ع قد ماكبرت
عليك ديما معول
ماما متخافيش
غدوة تفرج ربي كبير
ماما ماشفتيش
ولدك من هوا صغير يطير
سامحيني ماما
عارف عطلت عليك
سامحيني ماما
ننجح ونلبس الذهب في ايديك
ماما نرجع بالشهادة
ونولي كيف مانحب
ماضيعتش وقتي
ولدك كتب كتُب
ماما ربيتيني ع الحلال
ماتخافيش ولدك رجال
وكله راهو ف البال
حبك كبير وحبك دلال
امي انتِ العمر
مضوية حياتي ي قمر
امي بحنانك نسهر
من حبك مافيش مفر
التعليقات