مسافر مسافر.. وهبدأ حنين <br>
مسافر أعافر.. في بحر السنين<br>
يا جوعي يا كافر.. هسيبك لمين<br>
د انا أدعي عليها.. ولا اسمع آمين <br>
........ <br>
يا ريحة الحواري.. يا نقش الحيطان <br>
يا عمري يا جاري... في زرع الغيطان<br>
يا أكل الشوارع.. يا شوربة كوارع <br>
يا فول اصطباحه.. يِقَوّم حصان<br>
يا رفعت وصوته في رفع الأدان<br>
تنادي القطايف كنافة الجيران<br>
يا هيلا يا بيلا يا لمّه وعيله <br>
يا غِيّة أبويه في قرص الودان<br>
<br>
....... <br>
يا جُملِة صحابي.. يا طِيشي وصوابي<br>
يا ضحكة في حكاية.. بتخلص رواية <br>
فراقكم مواجع.. بترسم حروفي <br>
هسبكم وراجع.. مسافة ظروفي<br>
......... <br>
يا حب الطفولة وأول جواب<br>
يا نظرة بريئة تلخص عتاب<br>
يا حوش المدارس مقالب كوارث<br>
يا صور الحبايب في رُكن الدولاب
التعليقات