"قد يراني البعض مجنون ولكن
أنا قلبي ساكن
جوا قلبه ولف ياما
كان بيتمنى ابتسامه
ربع ساعه من المحبه
أو إشاره أو علامه
يلى عيونك وخداني
روحك حلوه و عجباني
ما تحن عليا شويه عنيا مبتغمضش ثوانى
ده انت معدي و مش عادي
حاسب بس و ع الهادي
أصل أنا مش أدك يالى دخلت مليت القلب الفاضي
طب حبه حبه مش كده
ده كتير عليا كل ده
لو مد ايده بالسلام
ايدي بتكون متجمده
هو اللي حاصل ايه بقى
روحي دايبه فيه متشعلقه
لو راح لفين انا اروح وراه
حتي لو راح المشنقه
سكر و ملكش بدايل
و جمالك عالى و هايل
بتعدي بتخطف قلبي يا قلبي بتعمل فيا عمايل
جيت صلحت المكسور
قلبي فى حبك معذور
تاخد عيني يا نور عيني عشانك اطير و أعدي بحور"
التعليقات