سنسول المينا
زقّف زقّف يا هالموج عحيطان المينا
وخلّي كل الشخاتير ترقص عغنانينا
شباك الصيّادين عالمدرج مرميّة
تصيّد فيها العاشق الحلوة الصبيّة
وجايين سوا بهالليل
يتمشّوا عشطّ جبيل
وقلب يغطّ وقلب يطير
عسنسول المينا، عسنسول المينا
زقّف زقّف ...
من على الطرقات لبيوت القرميد
ملّوها حكايات غناني و زغاريد
وضوّوا كلّ الزواريب
وترمس وقضامة وزبيب
وعملوا للهوا دواليب
عسنسول المينا، عسنسول المينا
زقّف زقّف ...
عطوني شي حرفين من هالأبجديّة
تئكتب إسمين قدّملا هنّي هديّة
هوني أدونيس وعشتار
وغيرن يلّي حبّوا كتار
ومتل ما بقيِت قصّتهم
رح تبقى غنانينا، عسنسول المينا
زقّف زقّف ...
من متاحف زمان، رسمات و ألوان
معاهد للتاريخ ولعلوم الأنسان
لأؤروبا عطينا مواعيد
لقدموس عملنالو عيد
وقفنا نلوّحلن بالئيد
عسنسول المينا، عسنسول المينا
وإذا ضيّعنا الزمان
أوعا يفتّش بالنسيان
بيعرف وين يلاقينا، عسنسول المينا
التعليقات