لما الخواطر بتزيد
والأفكار متكعبلة
و القلب مليان كراكيب
و النفسية متبرجلة
السرحان فى السقف يزيد
والصورة إيد فى الإيد
الله يسامحه الحب
و ياخد بإدينا
الله يسامحه الحب
و يخليه لينا
لما تروح روحك لروح غيرك
وتكون ملهوف عليه
اللى يقولك شد و اللى يقولك ارخى وانت ولا عارف تعمل ايه
الشوق حياكل منك حتة
وقعت ولاحدش سمّى عليك
الله يسامحه الحب
و ياخد بإدينا
الله يسامحه الحب
و يخليه لينا
يطرى الجو يبهدل يدلع
يهدى القلب و فى القلب يولع
ينسى هموم و فى الهم يزيد
أمسك فيه ..وللا اسيب
يداوى جروح و فى الجرح يغوط
و لما تيأس فى كلمة تتشعبط
تلف تدور تقول أحسن أكون وحيد
مالوحدة تتعب...ترجع للقلب شهيد
الله يسامحه الحب
و ياخد بإدينا
الله يسامحه الحب
و يخليه لينا
التعليقات