ما ترقدش الليل عيوني
ونسهر نبكي بالساعات
مشغولة وشغلوني ظنوني
كيف تتغطّى وكيف تبات
ونحلم يا وليدي هزّوني
إنـــادي وليدي إيدك هات
طراف أصباعك ما وصلوني
يا بعيد عليا مسافات
المتغرّب يا وليدي دوني
المتغرّب يضحك هيهات
تصوّر لُو كانه دفنوني
وفاتك عمري وعمرك فات
ولا تصوّر كان يجوني
يجوني يقولوا وليدك مات
أمّك هالليام رموني
والدنيا تجري لحظات
ظهري وأركابي وجعوني
وعيني خلي عزاها سكات
روّح روّح يا مضنوني
روّح يزّي الخبزة وفات
التعليقات