قالوا لي في قوّالة صرت مقلّق
وينه شيخ القوالة يحضر هلق
وينه شيخ القوالة يطل قبالي
نحنا من مطرح عالي فوق معلّق
مطرحكم هاللي تدلى وعالي تجلّى
شاهين الوادي علّى وفوقه حلّق
نحنا عالعالي زرعنا عمار شقعنا
عمارتكم من مقلعنا لما شلّق
عشقنا العز وشو جينا عنده حكينا
العز اللي عشقتوه فينا قلبه معلّق
كورال : جاوب جاوب
مافيكم مين يجاوب
نحنا ضيعة عز الضيعة
يا شباب لوين عالساحة ارجعوا
نحنا ما قطعنا الامل لاتفزعوا
شاهين لو صوته بيوصل عالسما
منسكـّته ومنسكت رجاله معه
نجلا يا بنت زغيـّرة شو بتعملي
وقدام شاهين السباع مجندلة؟
نحنا بنات جرود مرباها الرعود
بالسلم ورد ونار يوم المرجلة
يا بنت ارجعي والوقت سانح
انا عفوي لك بهالعيد مانح
ان ردت العفو وحدك بترجع
يا شاهين مقصوص الجوانح
نجلا وشاهين تلاقوا ملّوا الدنيي تلاحين
نجلا وشاهين تلاقوا متل التلج وصنّين
يا نجمة مننده لها ميتنا عامهلها
بدنا نسهر للصبحية مع شاهين ونجلا
التعليقات