قالوا الارزاق دى من عند الخلاق
سهل انك توصل مفيش شئ محال
عمرها مابتمشي بحبر ع الورق
اسعي للشئ حط الف احتمال
ممكن بعدين ملهاش وقت او سن
مش بالأرقام صحبي الرك ع الفهم
فيه اللى شاب في شبابه، وشب اما شاب
هتدوق العسل وهتحلى بالسم
جربت كام مرة وكانت فاشلة
بس مقولتش دى أخر محاولة
مع انى ولا قوة ولا حول
ف اسندها بضهرى أولى
ف دماغى وسواس جايب بمليون سؤال
من فترة بتغنى قولى وصلت لأيه ؟؟؟
عندى الجواب برا عنك كلام
بس مش دا اللى بيتقال صحبي انا لسه
على باب الله
محدش هياخد رزقك سيبها على الله
لو ليك او مكتوبلك جايلك اجبار
فبعيش ومبحسبهاش
سلمت امورى لله، ماشين على باب الله
- على باب اللى خلقك وخلق الخلق
دى لما هتصعب اكيد ليها حل
حلمت انى وصلت اقسمت انى اكمل
وهاتعب مفيش شئ بيجي بالسهل
قالوا ماتشوف حد يشدك معاه
لأ هوصل بطولى بمجهود واختلاف
مش عاوز وسايط او طبل ومزمار
اختفي اوام عشان قلد فلان
جرينا لحد اما كعوبنا اتشققت، وايدينا خدلت
متمدتش لحد
اكل العيش كله مر، مش هترسي على بر
بس بنرضي بقليله بالحمدلله
على كل اللى راح
الحمدلله على كل اللى جاي
عدينا ع الصعب دى خلاصة التلاتين
كبرنا وفهمنا ولفينا وماشين
على باب الله
محدش هياخد رزقك سيبها على الله
لو ليك او مكتوبلك جايلك اجبار
فبعيش ومبحسبهاش
سلمت امورى لله، ماشين على باب الله
التعليقات