ليت العمر يهدى ابهديك عمري
تستاهل الايام يا زهو الايام
لو الهوى المحبوس في جوف صدري
يظهر على العالم غشى العالم هيام
فيني غرام فوق محمول صبري
و فيني خيال فوق تصوير الاحلام
صباحي اسرحلك و في ليلي اسري
و الى هجع فكري خفوق الهوى قام
و الله مالي غير الاشواق عذر
و اللي عرف شوق المواليف ما لام
يا من يبيع الصبر يا ناس و اشري
محتاج كل الصبر و اصخي بالاقيام
يا مالك امري وش نواياك بامري
ارحم خفوق عن هوى غيركم صام
حالي غدى مثل المساويك مبري
يا باري حالي ترى البعد ظلام
ادري بحالك و انت بالحال تدري
ياالله عسى ذا العام احسن من العام
التعليقات