بسم الرضا جــينه
نهدي تهانـينه
بسم الرضا جــينه
من طيبه شع نور الرضا
و انواره عمّت عالفضا
حين التشعشع نوره
سابِع قَبَس من فاطمه
و المُرتضى حامي الحمه
وكل شيعته مسروره
للحجج ثامن وانتشر
ضيَّه على كل البشر
و ازدانت المعموره
الثامن أيمّتنه
هالليله فرحتنه
والينه والينه
نفرح الوالينه
بارينه بارينه
حقَّق أمانينه
بسم الرضا جــينه
نهدي تهانـينه
بسم الرضا جــينه
هذه الإمام الثامن
للجنّه و الله ضامن
للّذي شد و اتعـنَّه
رَحلَه و گصَدله ابحاجه
بحر الكرم أمواجه
متطافحه امن الجنّه
قاضي الحوايج إسمه
و استغل هاي النعمه
ما يرِد خايب مـنّه
كل الذي انريده
ناخِذه من إيده
يدرينه يدرينه
نحتاجه يدرينه
بارينه بارينه
حقَّق أمانينه
بسم الرضا جــينه
نهدي تهانـينه
بسم الرضا جــينه
راح الگلب يم مشهده
هالليله يزهي انشاهده
و يتساطع ابأنواره
زوّاره بالبهجه اعتنت
لزيارته و اتشرّفت
و اتكرّمت زوّاره
بزيارته اننول المُراد
و تتسجّل اليوم المعاد
متواتره أخباره
و اليسأل ايحصْله
معجزه من الله
ودّينه ودّينه
ياربي ودّينه
بارينه بارينه
حقَّق أمانينه
بسم الرضا جــينه
نهدي تهانـينه
بسم الرضا جــينه
يالحضرتك جنّة عدن
جيتك أريد انسه الشجَن
و انسه جميع آلامي
حين الإجيت المولدك
أتمنّه آنه ابمرقدك
تزدهي بيك ايّامي
يا سيِّدي و ابحاجتي
و ابطلبتي و ابمُنيتي
اتحقِّقلي كل أحلامي
يلِّي تسر گلبي
أطلبها من ربّي
يعطينه يعطينه
الِّي انريده يعطينه
بارينه بارينه
حقَّق أمانينه
بسم الرضا جــينه
نهدي تهانـينه
بسم الرضا جــينه
التعليقات