يا عز اجيال برويه نيل ضي في الوجود ما بنطفي
سمرة جبين وطني الجميل وطني الثبات ما بنكفي
انا سوداني وانا بكتفي ... بدر التمام كيف يختفي
يسلم ترابك يا بلاد يحيا الشهيد المات وفي
وطني العزيز .. اهلي الاسود ..
بلدي الكريم .. بلدي البجود ..
رفعو الحراب كرهوا القعود .. ربي الكريم هو البصطفي
ملكوا القلوب بي طيبتهم .. بي هيبتهم .
حتى النجوم العرفتهم .
رفعت يمينها وحيتهم .
انا سوداني وانا بفتخر . وطني العزيز ما بنقهر
احنا الكرام الما بننخ .. ما بنحني راسنا وننكسر
اهل الفعال اهل الشيم .. شعب اتعرف فيهو القيم
لبسوا العمم ساعة الممات .. ما بهابوا نار عرفوا الثبات
ساعة النفوس كانت حمم
وطني العزيز وطني الحمى .. انفاس عدوك بنكتمها
نبتر رقاب البعتدي وارواح عدوك بنعدمها
يا مسعد القلب العليل يا راحة يا أنس يا هوى
يا منبع الخير يا أصيل يحكي الزمان عنك روى
في كل زمان سوداني عالي وقطافك داني
ربي الرحيم اعلاني يوم قال اكون سوداني
انا اصلي من اصل الرجال انا طينة من ارض الوطن
انا لمسة من باقي الجمال عشق البلاد جواي سكن
دلوا السألكم عن جنود ما وطوا راسهم لي عدو
ما ضعفوا لي غير الله يوم نصروا الضعيف وقفوا افتدوا
بطرونا بالخير والكرم .. بلقونا في ساعة الالم
ما بنبكي لي غير الخلق .. لو عشنا في عز العدم .
تسلم نسايمك يا وطن .. عاشق ترابك بفتديك
هيجت في قلوبنا الشجن .. امالنا بيك واحلامنا فيك
التعليقات