V1
رامي القلم من زمن ناسي الكتابه
شايف مستقبل والخطط بحسب حسابها
فيني الامل والامل اصل النجاح
ما تكون انسان معدوم بكاي بشكي الجراح
كسر حواجز قوم بموت البحيا عاجز
صدقني هاجس خلاك جالس
وسط الدموع والغير كتار شالو الجوائز
لوم الزمان ماهو البديك لو كنت عايز
ما تنسى جرحك النسيان ما هو البفيدك
خوف التغيير هو الحا يشلك ويلوي ايدك
شوف النجاح امشي في مسارو وشوف سبيلو
الما شال حزنو مستحيل يوم زول يشيلو
بالمختصر .. انسى بس رضى البشر
الكانو ضدك بمدحوك لو شافو سيطك انتشر
ارفع شراعك ما تهاب غدر البحر
نال العرفان من عانت عينو من سهر
......................................................
C 1
في عز مواسم البلاء وتلقاني باسم
اغازل الاحلام وفي دواخلي راسم
لوحة نجاح ولسه بالحروف بقاسم
ايامي لكل من شايف انو بينا قاسم
......................................................
V2
تخلد الايام ذكرى الصمود وبس
القال كلام صريح والفيهو ما بندس
شوف القبور والناس هناك مرصوصه رص
منو الذكراو بتعيش ومنو بننساهو وبس
شيد قلاعك حارب الالم وثابر
الدنيا احلى لما نقيف فيها ونكابر
لو كنت عابر ما تلوم من كان هو صابر
شايف طريقو وحتى لو طريقو غابر
لون حياتك يا الحبيب حا تعيشها مره
خسران الفاكر انو عاش في دنيا مره
اسعى بابتسامه وريح بالك من همومها
ارمي الشباك حتى الشمس بزول سمومها
الحارم نفسو من نعيم الدنيا ضايع
البايع حلمو في النهايه برضو بايع
ارمي الضغينه وفتش في البشر جمالها
ما بان بياض من غير سواد ودي استحاله
.......................................................
C 2
في عز مواسم البلاء وتلقاني باسم
اغازل الاحلام وفي دواخلي راسم
لوحة نجاح ولسه بالحروف بقاسم
ايامي لكل من شايف انو بينا قاسم
التعليقات