يا حظنا بك يا الجواز السعودي
ويا كبر فخر الشعب في مملكتنا
يوم الدول قالت ذي اقصى جهودي
المملكه في كل دوله حمتنا
يا موطني شعبك عليك محسودي
خيراتك بفضل الإله اغمرتنا
حتى على غير السعودي تجودي
ضمتهم احضانك مثل ما احضنتنا
هذي هي العظمى ب فعل وشهودي
تحت حكم من وقفته شرفتنا
حكم الملك سلمان وارقي سنودي
مسيرنا للمجد يا مفخرتنا
يا سيدي يا جعل عمرك يزودي
يوم الدول شحت يمينك عطتنا
ومحمد محمد عريب الجدودي
مواقفه وفعوله مجملتنا
حنا نحبه حب ما له حدودي
شخصيته بلحالها ملهمتنا
بالعز رفرف يا علمنا السعودي
الشعب كله يفخر ب مملكتنا
التعليقات