من الهجر يا صاح شفت المضرة
جرحي مثل جرحك له سنين ما طاب
حتى النظر ما يفيد وان جاك عذره
حبه سطى بالجوف والوجد نهاب
زوله وسط عيني وقلبي مقره
لو غاب عني طيفه اليوم ماغاب
شوقي عذاب شوفتي له بحسره
ليته درى في قلب من حبه انصاب
عمري مضى ما بين حلوه ومره
والعمر فاني والهوى كله اسباب
احبس دموع سالت اليوم نثره
واكتم وداري دمعتك عند الاجناب
اصبر عسى الايام تبدي المسرة
واللي مضى خله مع هم وعتاب
خل الامل موجود بيدك مرة
يقولها اللي طال جرحه من احباب
التعليقات