لابغيت اشكي همومي لك واجيب
مابقلبي من هموم ومن عذاب
دايم ظني مع خلي يخيب
وش انا بيدي مدام الظن خاب
في طبوعه شفت انا امر عجيب
يخدعك ثم يعود في عتاب
كيف ينساني وانا منه قريب
كيف يذكرني وانا بعد السحاب
من يصدق ود هاالشخص الغريب
من يفاني في مطارده السراب
قادني والله على غدره رقيب
كل يوم له عشيرا فيه ذاب
عجزت الخدعه عن عيني تغيب
ساعه مره على قلبي صواب
من فعاله صار قلبي يستريب
شعر راسي شاب في عز الشباب
دمعتي توقدعلى خدي لهيب
والندم خلا حياتي في خراب
اثره الغدار في شكله حبيب
يظلم العاشق ويرجع مايهاب
التعليقات