بعد ماكنت البدايه
صار لي حبك نهايه
انجبرت ارحل بصمتي
وانتهت كل الحكايه
قول ماودك تقوله
الصبر ضاعت حلوله
انت في قصة جروحي
ماخذٍ دور البطوله
وين كنا ووين صرنا
انكسرنا وانجبرنا
يالله ياقلبي مشينا
فالهوى هذا قدرنا
وين يامركب هوانا
شالك الريح وخذانا
العشم قد كان اكبر
ماتوقعنا نسانا
اللقى ماله وسيله
والعمر سكه طويله
اصبحت كل الاماني
ف النهايه مستحيله
بعنا فرحتنا وشرينا
حبهم بس شلقينا
تركونا والليالي
دارت وضحكت علينا
بس ماعاد نتألم
غلطه ومنها نتعلم
ساور المجروح صمته
ومات ساكت ماتكلم
شوهت صبح المدينه
دمعة العين الثمينه
مرت الفرحه خجوله
واشرقت شمسه حزينه
التعليقات