صديقي عطني الريشه وقرب من يديّ العود
ابعزف لك انا حزني وضيق الحال واوجاعي
تعال لبعضنا نشكي ونترك هالحنين يسود
مادامه بالهوا وضعك يشابه حيل لاوضاعي
تعبنا نخفي الدمعه عشان العيب والمنقود
ياكم مره مشاعرنا تموت ولا لها ناعي
ندس الجرح عن عين العباد ويدري المعبود
ليا شالت محانينا رسايل مالها ساعي
الا ياقلب متعبني كثر ماهو غلاه يزود
كثر ماني على شانه تعبت اغير اطباعي
عطيته من ربيع العمر تارك لي يباس العود
وانا من قبل لاعرفه تمنّت ناس مرباعي
صحيح قلوبناا بيضا ولكنّ الحظوظ السود
تحبب من عشقناهم بناسٍ مالهم داعي
تحسب ان العطا ينفع ليامنا عطينا بجود
انا قاعي تعيشني واحب اطير عن قاعي
التعليقات