بلدي بلدي يا بلدي
بكل حبى للحياة وبلدى
وبكل بسمة فوق شفايف ولدى
وبكل شوقي للفجر وشروقي
وبكل نبض الثورة فى عروقي
جتلك وأنا ضامم جراح الأمس
حالف لرجعلك عيون الشمس
يا يا يا بلدي
جيش الظلام فى يوم ما هاجم فجرنا
جرح السلام زرع الألأم فى ارضنا
وقلبنا داست على الجراح وحلفنا ما نسيب السلاح
الا ان رجعنا بشمسنا و ضحك لينا تانى الصباح
جتلك وأنا ضامم جراح الأمس
حالف لرجعلك عيون الشمس
يا يا يا بلدي
سكت الكلام والبندقية اتكلمت
والنار وطلقات البارود
شدت على ايدين الجنود و اتبسمت
احنا جنودك يا بلدنا وحبنا
ماشين على طول الطريق اللى رسمناه كلنا
جتلك وأنا ضامم جراح الأمس
حالف لرجعلك عيون الشمس
يا يا يا بلدي
يا شعب يا واقف على باب النهار
قربت بصمودك طريق الانتصار
وزرعت من تانى الأمل فى كل دار
وأتجمعت كل الأيادي من كل بيت طلعت تنادى
على الطريق وتقول بلادي
بلادي بلادي أنا نار تحرق أعاديكى
بلادي بلادي أنا دمى نيل يرويكى
بلادي بلادي من غيري اللى هيفديكى
بلادي بلادي ها أستشهد فدى أراضيكى
بلادي بلادي ولا عمري أفرط فيكى
بلادي بلادي وأموت وأنا بهتف بيكى
التعليقات