مساحة إعلانية
كورس : ذكريات ..... ذكريات ..... ذكريات
حليم : رجعتنى الذكريات للى فات من حكايه لحكايات
فكرتنى وافتكرت وبخيالى هناك بعدت واتاخدت
فكرتنى بالطفولة واللى كان وقت الطفولة
وافتكرت سنين بعيدة مش سعيدة واحنا فى مصر الجديدة
كورس : ده كان زمان
حليم : الجيران من كل جانب كانوا اكترهم أجانب انجليز
حالهم يغيظ والعجايب كنت حاسس انى أنا وأهلى الأجانب
كورس : ذكريات .... ذكريات
حليم : حتى أسماء الشوارع والمصانع كلها قدام عنيه أجنبيه – ذكريات
كنت تلميذ فى ابتدائى وأصدقائى يوم كده جم فى شارع جنب بيتنا
جم نطير طياراتنا اللى صانعينها بايدينا التقينا
شلة من أولاد هناك انجليز من سننا بيطيروا هم كمان طياراتهم زينا
طيارتنا وطياراتهم مرت النسمه خدتهم شبكتهم عقدتهم وقعتهم
الولاد الخواجات بالضرب هات فينا ضربناهم برجلينا وادينا
وانتهينا فى البوليس راحوا اشتكونا وجرجرونا وبهدلونا
التقينا فى قسمنا اللى اسمه عربى الشاويش راجل أوربى انجليزى
وشه أحمر .... قال اجيبشيان هاو يو بيت ذم
دول حماية حماية حماية ابتدا قلبى الصغير يدور عن جواب لسؤال يحير
احنا مين .... فى بلدنا ولا فين
التقيت رد السؤال الاحتلال الاحتلال ظلم وضلال ظلم ظلم ظلم
والذكريات للى فات رجعتنى وفكرتنى الذكريات
أنا شفت العلم البريطانى بيدنس نسمة أوطانى منظر حسرنى وبكانى
خلانى كرهت أشوف تانى وفى علمى داريت دمع هوانى ازاى ازاى
ازاى أوطانى الجبارة محكومه بقصر وسفاره ولكل دخيل فيها إدارة
وجيوش محتله ومخمورة تنهب فى بلدنا المأسوره .... ازاى ازاى
وازاى فى اللد وفى الرمله كانت العملة مأساه كاملة
استشهد أخويا فى أراضينا بين روابيها
وحبيبته خطيبته ما أنساش لوعتها وكلامها لصورته
ازاى يا حبيبى ازاى غشوك ازاى بسلاحك بايدك قتلوك ازاى ازاى
أسلحه فسدانه وخسرانه غشنا حكامنا ودسوها
ليه تاجروا فيها وقتلونا بيها ليه ليه ليه ليه
وفى ليلة رهيبة والريح بتصفر وتزوم ولا باينة نجوم
القاهرة الساحرة الساهرة كورس : ازاى ازاى
باتت فى طوفان كلها دخان ولهب ونيران
وصراخ وعذاب وخراب ودمار بتاكلها النار النار النار
القاهرة الساحرة الساهرة ازاى ازاى
النيران صبحت رماد واللهب فى قلوبنا قاد
رغم السكون كان الغضب الغضب بركان بيغلى فى العيون كل العيون
وصحيت على ثورة بترج الدنيا
ولقيت أوطانى حكمها فى ايديه وجمال قدامى بينادى عليه
قوم أرفع راسك قوم قوم واشبع حرية قوم قوم
كنت فى صمتك مرغم كنت فى صبرك مكره
والله زمان يا سلاحى الله اكبر
اشتقت لك فى كفاحى الله اكبر انطق وقول أنا صاحى الله أكبر
بعد طول الذكريات واللى فات من حكايه لحكايات
بصيت لطفولة أولادى وبقيت أتصور أحفادى بتغنى وتنادى
بكرامه وسلامه هنا وطن الحرية هنا حصن القومية العربية
أحرار فى بلدنا فى دنيتنا ولا فيش فى سمانا إلا رايتنا
أحرار ونحب الحريه لبلدنا ولكل الدنيا ولكل الأمه العربية
يا بلادى يا بلادى
التعليقات