كنت فين وانا فين ... جيت لى منين
والايام دى كانت غايبه عنى فين
نظرة عين فايته القلب وفيه جرحين
من حلاوتهم قلت يا ريت كان لى قلبين
كنت فين
***************
قلبى وقلبك كانوا بعيد ... عمر ما كان بينهم مواعيد
يوم ما قابلتك كان يوم عيد
شفت انا حلمه من سنيتن ... وكلام ساعتين فات فى دقيقتين
وقالوه نوبيتين ... قلبين وروحين فين
كنت فين
***************
كلمه اتقالت وانا رديت ... لحن اتغنى وانا غنيت
رحت اسأل عن حالى لقيت
وتر القلب انقسم اتنين ... وكلام ساعتين فات فى دقيقتين
وقالوه نوبيتين ... قلبين وروحين فين
كنت فين
***************
اول مره قابلت هواك ... كنت نسيت كلمة وياك
انا دلوقتى شايفها معاك
هاتقولها امتى وفين ... دا كلام ساعتين فات فى دقيقتين
وقالوه نوبيتين ... قلبين وروحين فين
كنت فين ...
**************
التعليقات