صورة صورة صورة.....كلنا كده عايزين صورة
صورة صورة صورة..... تحت الراية المنصورة
كورس: صورة للشعب الفرحان .....تحت الراية المنصورة
يا زمان صورنا يا زمان ......ح نقرب من بعض كمان
واللى ح يبعد م الميدان....عمره ما ح يبان فى الصورة
****
حليم: خضرة ومية وشمس وعفية ....... وقبة سما زرقا مصفية
ونسايم سلم وحرية.....ومعالم فن ومدنية ومداين
كورس: صاحبة الفجرية......
على أشرف كورس: ندهة وأدن
كورس : دى بلدنا
حليم : دى بلدنا مصر العربية .....صورة صورة منورها الإيمان
****
على مدد الشوف مدنة ومدنة.......دى لصلاتنا ودى لجهادنا
مدخنة قايدة قلوب حسادنا .....تحتها صلب كأنه عنادنا
وقدامه من أغلى ولادنا..... عامل ومهندس عرقان
شباب والشباب فى بلدنا.......فى الصورة فى أهم مكان
صور يا زمان صور يازمان .......كورس صورة ...
****
كلنا هنا فى الصورة زمايل ........نوفى اللى ميثاقنا عليه قايل
من أصغر طفلة بجدايل .......على زرع ودرس بتتمايل
للفلاح أبو خير وجمايل ........للواعظ حافظ القرآن
للجندى الأسد اللى شايل.....على كتفه درع الأوطان
وبعيد عن العين لكن.....فى الصورة أوضح ناس
ناس تحت حر الجبال ......والقلب كله حماس
بتحفر الرمل أنهار من دهب اسود........وناس بتكسبه بخضرة وكل لون له ناس
وأساتذه وعلما ومعامل .....ودكاتره من الشعب العامل
ورجال سكر على مكاتبها ....تخدم بالروح لما تعامل
والصورة مافيهاش الخامل....والهامل واجبة ونعسان
مافيهاش إلا الثورى الكامل المصرى العربى الإنسان
صور يازمان صور صور يازمان.....كورس صورة.....
****
حلوين قوى كده وحياة ربى....ياحبايبى باقولها من قلبى
ثورتنا صورتناومحلاها.........فى اطار التنظيم الشعبى
ناصر ....واحنا كلنا حواليه....ناصر ناصر ناصر
ناصر....وعيون الدنيا عليه.... ناصرناصرناصر
ناصر ...والنصر بيسعى اليه .....ناصر ناصر ناصر
****
والشعب دليله والهامه....قربوا من فكره وأحلامه
ياللى عليكم كل كلامه.......فى الصورة طالبكم قدامه
قيادات شعبيه قلتم إيه
****
المجموعه: قلنا يا زعيمنا قلوبنا آهيه....أيامنا أهيه ليالينا أهيه
فى يوم الدم وهبنا الدم........ح نبخل بالليالى ليه
****
حليم: والصورة اكتملت بالرواد
مع ناصر وايديهم فى ايديه
والشعب ووطنه وزمنه وعمله وأمله وبطله ........أبو الشجعان
صور يا زمان
صوره.......
التعليقات