فاتت جنبنا، فاتت.. جنبنا
انا وهو، انا وهو
وضحكت لنا، ضحكت لنا.. لنا
أنا وهو، انا وهو
رديت وكمان رديت
وفضلت أرد أرد لحد ما فاتت
ونسيت روحي وصحيت
أتاريها خذت الشمس وغابت
وانشغلت وقبل ما يطول انشغالي
روحت سائل روحي واحترت فى سؤالي
أنا بافكر ليه؟ وبشغل روحي ليه؟
أعرف منين انها قاصداني أنا مش هو.. مش هو
وأعرف منين أن الضحكة دي مش له هو.. له هو
وليه أنا؟ ليه أنا؟ ليه ليه مش هو؟
مرة تانية برضو صدفة .. كنت أنا وهو فى طريقنا
شوفنا خطوة حلوة حلوة، حلوة جاية وضل تالت،
ضل تالت، بيسابقنا بيسابقنا
التفتّت لقيتها هي، التفتّت لقيتها هي..
حاجة مش معقولة هي .. هي
وابتديت أسمع فى قلبي في قلبي .. لحن حب،
لحن حب... لحن حب جديد عليا جديد عليا
سمعت منها كام كلمة .. ما قالتش منهم ولا كلمة
بس أنا حسيت، حسيت .. ولأول مرة انا حسيت،
ولاول مرة باعيش وباحس
ولقيتني بادوب وبادوب، فى كلام الهمس بادوب
في كلام الهمس اللى مالوش حس
ضحكت تاني نفس الضحكة وراحت ماشية
زي الدنيا ما تيجي فى ثانية وتمشي فى ثانية
بصيت لصاحبي لقيته جنبي وماهوش جنبي
عايز يقول كلمة اتقالت جوه فى قلبي
كنت عايز أسأله .. هو كمان حس بيها وانشغل
هو كمان حس بيا وانشغل.. هو كمان هو كمان
ورجعت أقول.. رجعت أقول
أنا بافكر ليه؟ وبشغل روحي ليه؟
أعرف منين انها قاصداني أنا مش هو.. مش هو
وأعرف منين أن الضحكة دي مش له هو.. له هو
وليه أنا؟ ليه أنا؟ ليه ليه مش هو؟
روحت أنا روحت .. روحت أنا، انا روحت
روحت مش عارف مالي مش عارف مالي
ما اعرفش ايه اللى جرالي ايه اللي جرالي ؟
فرحان عايز أضحك .. مهموم عايز أبكي
لا دموعي طايلها .. ولا لاقي حتى أشكي
حبيتها أيوه أنا حبيتها .. مش قادر أنسى ضحكتها
حبيتها.. حبيتها.. ايوة انا انا انا حبيتها..
مش قادر.. مش قادر انسى ضحكتها
مش يمكن دي فرحة عمري .. والفرحة ما صدقت لقيتها
كان فين اليوم ده غايب عني .. كان فين
تسلم لي وتسلم ضحكتها
وبعد يومين ابتدا قلبي .. يصحى من الفرحة وصحاني
يسألني امتى ح نشوفها .. وأنا أقول له نشوفها فين تاني؟
والليالي دوبتني وشيبت فكري وظنوني
لما طيف الغيرة شوفته بيترسم قدام عيوني
ان لقيت صاحبي بيضحك أقول، دي لازم قابلته
وان لمحت فى عينه شكوى أقول دي لازم خاصمته
ما لقتش طريق قدامي قدامي يرحمني من العذاب
غير اني أدور وأسال .. آه.. آآآآه
وأعرف منها الجواب
وعرفت طريقها عرفته عرفته عرفته، عرفته
وشقيت على بال ما عرفته عرفته، عرفته
وبعتّت كلمتين .. مش أكتر من سطرين ..
قولت لها ريحيني قولي لي أنا فين ..
وجاني الرد
وجااااااااني جاني الرد !
وجاني الرد جاني ولقيتها بتستناني !
وجاني الرد جاني ولقيتها بتستناني !
وقالت لي أنا من الاول
باضحك لك يا اسمراني .. يا اسمرااااني
أنا.. أنا أيوه أنا أنا
أنا أنا أنا أنااااا مش هو
التعليقات