كلمات اغنية عبد الحليم حافظ – يا مواعدنى بكرة حفلة

يا مواعدني بكره .. اوعى تنسى بكره .. وافتكرني مرة

يا مواعدني بكره

طمني مالك كده سارح .. زي اللى راح منه أماني

بتفتكر ليه فى امبارح .. ده عمره مش راجع تانى

انس اللى كان منه .. وانس اللى نابك فيه

دا انت ان بكيت منه .. ح تبكي بكره عليه

انس اللى فات مرة .. بس افتكر بكره

يا مواعدني بكره

كل القلوب اللى تواعدوا .. بتفتكر بكره وبعده

والنهارده أنا وانت ح نعيش كده لامتى

يمكن لبكره يمكن لبعده .. مين بيدرى وقت سعده

انسى اللى فات مرة .. بس افتكر بكره

يا مواعدني بكره

بكره تقابلني واقابلك .. بكره الأمل هايبان

وتقوللي بكره وأقولك .. الدنيا فيها حنان

ونغني والمغنى يطول .. واللحن يرجع م الاول

ونعيش مع الأحلام .. وعيونا لما تنام تصحى القلوب بكره

با مواعدني بكره أوعى تنسى بكره

وافتكرني مرة يا مواعدني بكره