إيه يا عم الملاك؟
يا برئ يا طيب
قولي إيه خلّاك
تبعد عني طيب؟
وتروح تغيب
وتسيبني لحيرة
وأسئلة كتير جوايا
فاكر هستناك
وهوقف حياتي؟
يا مقضيها هناك
وراكنني إحتياطي
ده أنا أعيش طول عمري وحيد
ولا حد يعملها معايا
طب قولي ليه؟
جاي دلوقتي ليه
بتفكرني تاني تاني باللي فات؟
طب قوله ليه
بتصحي المواجع؟
طب قولي ليه
جاي دلوقتي راجع؟
كنت ليك زمان
ومديك الأمان
قلبي جيت عليه
طب قولي ليه؟
ياما حاولت أندهلك
وإنت ولا بتسمع
طب بذمة أهلك
الكلام ده ينفع؟
فجأه إختفيت
ولما خفّيت من حبك ظهرتلي تاني
لا خليك مكانك
شكراً مش عايزين
خليك مع حبايبك
والناس التانيين
أنا خلاص ملّيت م الناس
وقررت أعيش علشاني
طب قولي ليه؟
جاي دلوقتي ليه
تبكي على إللي فات؟
لا مات إللي فات
طب قوله ليه
بتصحي المواجع؟
طب قولي ليه
جاي دلوقتي راجع؟
كنت ليك زمان
ومديك الأمان
قلبي جيت عليه
طب قولي ليه؟
التعليقات