الأسئلة فيا
في الفكر والنية
داير هدوّر ليها وليا
على الجبل
والأسئلة هيا
السكة دي بيا
فين رايحة في الدنيا؟
ولا الإجابة فوق سبع سماوات
والأسئلة ياما
عن نفس لوامة
أو نفس متطمنة
أو نفس آمرة بسوء
وعن خلق حواليا
ليها عليا، وليا أنا عليها حقوق
وعن رزقنا المقسوم
معلوم ومش معلوم
وعن خلق رامية الخلق
بأحكام على الظاهر
وياما أكتر الطاهر ومش طاهر
والكل مش ظاهر ورا هيئة والهدوم
وعن حبيب النصيب
عمرنا مخبيه
وعن محبة في عالم
الله في عوننا فيه
وعن السعادة، وهى أصلاً تبقى إيه
وعن اللي خالق ده كله
والكون يدوب لولا ضله
وعن اللي خالق ده كله
والكون يدوب لولا ضله
والأسئلة بتتسئل والإجابة عليه
التعليقات