ازاى تكون انت وتكون عيون غيرك؟
وتشوف ضلام نفسك تلمح أمل غيرك؟
ازاى تكون البحر وتكون شطوط غيرك؟
ازاى تكون غيرك… عيون غيرك.. أمل غيرك؟
يا غربة العاشقين
يا غربتك يا حنين لو تتسرق سرقة
من شمس ما بتتطلعش إلا على الفُرقة
من أرض ما بتسمعش إلا آهات حُرقة
الحب للأحزان ..والتوهة للإنسان ..واليأس للأوطان
أيام بدون احساس ..قضبان مابين الناس ..حرية للسجان
حلم اللقا حيفور ولاّ خلاص النور مسجون فى كان يا مكان
انا مش وطن للخوف ولا الضباب ع الشوف
خد ايدى يا غرقان
خد من الفؤاد حتة تبقى الحياة انت
وأنا مش حكون غيرك انت
التعليقات