سفينة رسيت ع المينا
فيها صبية حزينة
من فين يا شابة ولفين يا شابة
يا ام العيون الحزينة
بصيت بعيد يم مدينتى
والشمس كانت مبتسمة
اما عيون حلوة حلاوة
ايه اللى خلاها حزينة
عيون وحيدة فى بلاد بعيدة
نزلت دموعها فى مراسينا
معرفش ليه مشغول بيكى
يا ام العيون مش شايفانى
الدمع ده اللى فى عينيكى
لو هامسحه ينزل تانى
يا رمش باكى واخدة معاكى
الحزن من مينا لمينا
كل السفن تيجى وترحل
وإنتى اللى حزنك مش راحل
اسهل تعودى ولا اسهل
تدمع عيونك ع الساحل
خدى معاكى قصة هواكى
ودموع عينيكى الحزينة
التعليقات