في يوم والشمس طالعة
بألوانها الرقيقة ولمستها الدهب
همسك إيدك وهاخدك
لبيت أبيض صغير في أحضان الجبل
البيت دا فيه اتولدت، على بابه كبرت
واتعلمت ان أغني أول غنوة دافية زي شمسنا
زي قلوب الصبايا اللي في حينا
والألوان البريئة على أبواب بيوتنا
على الجدران بتحكي إن الكون اتولد
في بيت مصري صغير في أحضان الجبل
ضوء الفجر خافت بيرسم المعاني
من بعد ليل طويل
والنيل أمواجه تصحى وتحكي ذكرياتها
للأشجار للنخيل
وأنا الطفل الصغير لكن بسمع وافكر
حسيت في كل لحظة
إني حاضر وذكرى
وجزء من المكان ده وإني مش وحيد
وفي يوم والشمس طالعة
بألوانها الرقيقة ولمستها الدهب
همسك إيدك وهاخدك
لبيت أبيض صغير في أحضان الجبل
الزمن راكع هناك
بيهمس للجمال المنحوت من الحجر (اتكلم يا حبيبي)
لكن صمته الجميل سنين ورا سنين
وجيل من بعد جيل فضل حي في ملامحي
في ضميري في ابتسامتي
في نظرتي لبكرة وحبي للحياة
وفي يوم والشمس طالعة
بألوانها الرقيقة ولمستها الدهب
همسك إيدك وهاخدك
لبيت أبيض صغير في أحضان الجبل
البيت دا فيه اتولدت، على بابه كبرت
واتعلمت ان أغني أول غنوة دافية زي شمسنا
زي قلوب الصبايا اللي في حينا
والألوان البريئة على أبواب بيوتنا
على الجدران بتحكي إن الكون اتولد
في بيت مصري صغير في أحضان الجبل
التعليقات