مين مين مين
فانيه فانيه فانيه
كان كله في السليم
كله راح في ثانيه
كله كان تمام
كله كان قريب
كل ده غريب
راح في لحظه خاينه
كل ده ممل كل كلامكوا غل
كل ده يشل عقلي كان سليم
عقلي راح شويه عقلي راح كتير
بس كله خير راضي بالقليل
راضي أكون حزين
راضي ليل كئيب إنتو فيكو غل
معادش فيكو رحمه
انا عدو الزحمه انا عدو الغل
وكل شئ ممل حتى كلامي ليك
حتى المزيكا دي حب المزيكا عيد
لوب لوب لوب فانيه فانيه فانيه
صمت في لحظه خاينه
عادي عادي عادي مت برضه عادي
كله عدى لحظه واللي باقي لحظه
خدها بالتراضي إصرخ حتى عادي
صوتي صابه نبحه
الضربه تصيب وتوجع
والضربه اللي تصيب بتوجع
والضربه اللي تزيد بتوجع
والضربه تنسيك وترجع
وأنا برضه أنا برضه أنا مبموتش
أنا جرحي مبيلمش
أنا مبموتش أنا مبموتش أنا مبموتش
أنا عندي العقل ميسكتش
أنا عندي الذل مبيسودش
أنا عندي كرامه متذولش أنا مبموتش
أنا غاندي أنا مش بغني
أنا مازلت قد ثقة اللي قاللي
خليك تملي عكس التيار
تبقاش فار تبقاش عار
أنا اشقى من أشقى
من جاء على الأرض
مش برضخ بس برضا
مش بتعب أنا بلعب
متشائم مش بيأس
واقعي بس يحلم
أنا بسبح في كابوس مش بغرق
بخسر أنا بقلبها لمكسب
ووساختك بقبلها لعلمك
وأتعامل مبخافش أتوسخ
وأتعامل وكأني في غربه
وأتعلم في العزله إني أسمع
صوت صمتي وصوت حزني فبلسع
وأقرا اكتر سيوران يلعني
دي محاوله لعلاجي لنفسي
دي محاوله علشان تمنعني
مين يفهم علشان يسمعني
مين يسمع علشان يفهمني
مانا وحدي واللي شبهي في وحده
بفهمني وأسمعني لوحدي
وأنا أكتر واحد يقتلني
وأجبرني على عزلي وصمتي
وأجبرني إني أدهس قلبي
وأستبدل قلبي بالطين
مين مين مين
فانيه فانيه فانيه
كان كله في السليم
كله راح في ثانيه
كله كان تمام
كله كان قريب
كل ده غريب
راح في لحظه خاينه
التعليقات