بطلت احكيلها وتحكيلى
مبقيتش بتشغلنى تفاصيلها ولا بتسمعلى مواويلى
زاد السكوت شهور و الكلام مجابش جديد
تقدر تقول حتى العتاب اصبح تقيل
و زى العادى - ولا بنسالك ولا بنساكى
ما بين نارين والحب فين وفين هواكى
وكل ليل بتجيلى سيرتك زى شريط فى دماغى اتعاد
كأنى فى 2019 وبغنى ان بيننا بلاد
زاد السواد تحت العيون كون هالات وانا بحالات
ساعات اضحك وحبة اقول يا ريتنى اكون معاك
ساعات مع الغامق بليق هموت واعديلك طريق
مكانتش اعراض انسحاب طلعت هلاك بطىء
هتجيلى يوم واحكيلها ازاى عنيا اتطفت
ازاى ايديا صابها الهجر ازاى حبايبى اختفت
ازاى حياتى اكتفت ازاى الفرحة اتنفت
ازاى سيرتى فى كلام حبايبى اتنست
___
اخبط فى كتف الذكرى ابص اقول لا مؤاخذة
هو انا مبجيش فى بالها ؟ اسئلة كتير بلا مغزى
م الشغل للملهى - وانا ضيعت نفسى عشانها
رابطانى حبالها ولسه بتيجى فى قلبى زى النغزة
الم وشى من حياتى وابص للى فات اتقهر
عشان عيونها بس عمرو فى شغله سهر
كانت صعبة السنين وانا اروح لمين ينجدنى ان قدر
الوقعة م الدور العشرين انا مكنش سهل اتكسر
_____
مش مهم مين الى بادىء الحرب بيننا بادت
هيخطفوكى منى فى يوم فرحك وازاى هبارك
وبعدهالك - اهون عليكى اعيش بقلب هالك
تتربى فى حضنى و ياخدك غيرى منى يسيبنى باهت
البرد الى شادد حيله مفكركيش ب سيرتى
فى بحر الناس غريق من بعدك كنتى جزيرتى
ببصلك فى الصور من بعيد و دى مقدرتى
انا حاسس ان فراقنا كان امبارح انتِ امتى كبرتى
ماسك ايدي لاتكتب ارجعيلى كأنى ماسك جمر
ازاى قدرتى تعيشى وسط ناس مفيهمش عمرو
مع انى كبرت بس بخاف من بع بع اسمه بُعدك
لو فاكرة غيرى ياخدك منى لا ده يبقى بُعدك
كانت السجاير اضعف من اتلافى بعدك كافى
لما اتسألت السبب ايه هزيت كتافى
وقومت ماشى منا معرفش بعدنا امتى وليه
كل الى فاكره كلمتين فى العند وشوف وصلنا لحد فين
____
و الشغف بقى شىء لا يذكر
كانت مسألة وقت و انا صدقت وهى وخدت اوسكار
الدنيا للحزام كات رافعة وهى كانت صفعة
سايبانى كل ما احزن اكتب صفحة واقطع صفحة
حياتى ايه من بعدك حياة بجذورها ولعت
يا ريتك قولتى كلمة سكوتك كان بيرعب
ده انا كنت بجيلك متدغدغ وفى حضنك بتلمينى
مجاش فى بالى خالص ان انتى الى تخربشينى
ما تكلمينى - ردى قولى اى كلام بالكدب
قوليلى اى سبب حتى لو هتقولى زهقت
منا مش سليم قص ولزق قلبى بالفراق اتغز
عليكى بس كان مافيش اى شىء يتعز
اكبر كف خدته فى عمرى وكنتى اسوأ درس
بقالى 8 سنين بغنى للى عمره فى يوم ما حس
رجليا بتتقل - وانا على كتفى خيبة امل
كل الكلام فى دماغى يساوى جملة ايه العمل
بعد 8 سنين معافرة ادينى بعيش نفس الاحساس بالظبط
ركبت معاك و معرفش ان الحزن اخر الخط
عقلى شت وده الى جد عشان مفوقش اختارت اشد جرام
دورت عليها فى الناس و الصور وفى الارقام
بقالى سنين انا والنعس فى خصام مابيننا صدام
كأن اى حد غيرها فى عينى كان اصنام
وده الى اتبقى تراكات وارقام حطام على حطام
اعيش 8 سنين مستنى اموت مش يبقى حرام
_____
لما الخيانة تهل حبى ليك يتتاخر
والمفاجأة ان كمان انسان وليا اخر
على قد جد الدنيا بتقلب عرض ساخر
لما عرفت انا الحقيقة مت ضحك وقومت شاخر
واحد صفر للايام و فركش للرهان
عينى فيها طريق بطال اخره اكون خسران
تبص فى عينى م التوهان تقول سكران
جوا العيون غيوم تحت العيون قطران
التعليقات