نكتفك في زحل ، نولع في المريخ
نشرحك صفيح ، نرميك لمزبلة التاريخ
زي الصواعق أنزل ، زي القضا مستعجل
زي البلا الأزرق ، فيكوا بفحت وبردم
أنا هنا طفرة ، أنتوا نجوم محروقة
ليلتكوا اليوم منكوبة ، أحنا أساطير مولودة
الأضواء ليا مخطوفة ، و الأخصام مني مغلولة
دي القاضية محسومة ، عينك مني مكسورة
دي عيال مغمورة ، نهايتها محتومة
ملهمش قيمة زي أحلامهم مدفونة
بدق حملات وأخلص ، من بعيد وبقنص
بشيلك زي الونش ، أحنا أسياد المجرة
لو رجالة ييجوا ، فوق اللي فوقيكوا
عمو الجو جايلكوا ، نازل يدبح فيكوا
فرق سما وأرض ، سايقك طول وعرض
الحط عليكوا فرض ، أيوة فرد فرد
قاصد أغيظك ، كبيرك و سيدك
تملي موجود ، فا بحرقك وأكيدك
أنا مليش بديل ، طفرة و مليش كبير
تشوف نفسك علينا ،جيوشنا تاخدك أسير
أسرع من الضوء ، طلقك فشنك صوت
بضرب حي من القمة ، إحنا ولاد موت
أجيب رأسك أطيرها ، أمسك عمرك وأقصّرُه
بدمره ، لو قلبه جايبه أهلا أشرحه
بحذره وأخسره ، بندمه وأحسره
أنا اللي مهما يصرف ، ميعرفش يحضره
أسوقك لو زجزاج ، أظبطك حسب المزاج
بضربك في عرض الحائط ، ولعنا الإشتباك
بشيلك كوم أشلاء ..ببيعك وأشتريك مزاد
ملكش عندي قيمة ، ملكش عين من الأساس
متحطنيش في مقارنة ، البابا من النهاردة
مفيش ذرة رحمة ، نهينك نغتصب أرضك
كل اللي جاي عليك سواد فنحب نهنيك
ماسبش حتة فيك ، ده أنا اللي بانيك
مبعملش حساب لحد فيكوا ..أنا هنا الأهلي
بدوس علي وشوشهم ، بجزمتي وبهري
حذرتك أول مرة ..أما في التانية أشوطك
مفيش سلام ما بينا ..وفي داهية أشوفك
أنا مليش بديل ، طفرة و مليش كبير
تشوف نفسك علينا ، جيوشنا تاخدك أسير
أسرع من الضوء ، طلقك فشنك صوت
بضرب حي من القمة ، إحنا ولاد موت
التعليقات