مساحة إعلانية
خدت فترة في إستيعاب ، إنك كفرتي بيا
معرفتش أخفي ساعتها ، إنه مأثرش فيا
بِعدت قولت هنسى ، بالتدريج هلاقي علاج
غرقت في التفاصيل ، ودوقت مرارة الإحتياج
خلتيني مرعوب مني ، بتمنى الموت كارهني
بـ أربع حيطان متحاوط ، نَفسي لنَفسي بتطاردني
حلف الزمن لـ يسلطك ، علي عقلك يهلكك
حطتك جوا النار ، وإدت للبنزين شفرتك
واجهتها قولتلها ليه .. قالتلي : بدون سبب
إبعد عني ياريت .. أتمني ماشوفكش للأبد
نجمنا مات مُنفجر .. ليلنا سواد صافي
أنتِ لعنة صابتني .. مطلعتش من راسي
قسوة الدنيا تعلمك .. شدة آلمها تقويك
مادام حبّت بعديك .. يبقي مأمنتش بيك
بتوحشك تاني ليه .. بترجع تحن ليه ؟
بعد خسارتك لنفسك .. قولي كسبت إيه ؟
معقولة أكون شاريكي ، وفي لحظة تبعيني
معقولة بالسهولة دي ، نسيتي وإتخطتيني ؟
مش عيشتي بعدي؟ ، وهان عليكي تخسريني؟
عمري ما كنت ناقص ، عشان دلوقتي تكمليني
هتفضل الصورة ناقصة .. مهما بالغِت في الكمال
مهما إتصلّب الجبل .. لسه في الشوق إحتمال
مـ إنتي إحتلتيني ..مـ إنتي لسه بتربطيني
وأنا لسه مُـدمنك ..هبطل إزاي أكسچيني
خلقتي عقدة مبتتفكش ..خليتي الدايرة تضيق
مسكت فيكي مانا .. معرفش بعديكي الطريق
متوجعش إلا اللي عاشها ..اللي تعب في إكتشافها
اللي حطها في الكفتين ..ومحطتوش في كفة
جوايا شحنة غضب ..تحرق العالم بأكملوا
جوايا كره تام ..نحو اللي كنت بقبلوا
آسفة مترجعنيش ، بعد ما صممتي تكسريني
بعد ما قولتي مِحبتكش .. وقدام عيني صغرتيني
إتحجبت عني رؤيتها ..من قوة إيماني بيها
لما إتهدت بنيتها ..وقفت أطوف حواليها
بصيت للسما و سألتها ...ليه مني خدتيها ؟
دا أنا حبيت عيوبها ..قبل ما أنتِ تكتشفيها
معقولة أكون شاريكي ..وفي لحظة تبيعني
معقولة بالسهولة دي ..نسيتي وإتخطيتني ؟
مش عيشتي بعدي ؟..وهان عليكي تخسريني؟
عمري ما كنت ناقص ..عشان دلوقتي تكمليني
وسط كم تساؤلات ..من إزاي حصل وحصل ؟
من كتر التكهنات ..راحت في لمح البصر
في المنُتصف متعلق ..مداري تشوهاتي
خوفي من فقدانك ..ضيعلي كل حياتي
في صراع مبيتحسمش ...آثار جروح مبتتلضمش
صراخات مبتتكتمش ..بينّا حيطان مبتتهدمش
وأصريتي تظلميني ..وتبيعلي جرعات الوهم
إزاي عرفتي تخدعيني ...إزاي قبلت ده ؟
أغرق نفسي بإيدي ..ولا إني أرجع ليكي
أعيش مُدمنك لمدة ..بس أرتاح من بعديكي
الجحيم مكانش صمتك ..قوة ضعفي في عينكي
جيتلك عشان حبتيك .. وعشان إتعشمت فيكي
ياريتك رجعيتي..وقولتيلي إنك ضيعتي
ياريتك قربتيلي ..وما بان إنك بعدتي
ياريت إحساسي كدبني ..ياريتك فهمتيني
صدقيني إنتي عمرك ..لحظة واحدة ما حبتيني
معقولة أكون شاريكي ..وفي لحظة تبيعني
معقولة بالسهولة دي ..نسيتي وإتخطيتني ؟
مش عيشتي بعدي ؟..وهان عليكي تخسريني؟
عمري ما كنت ناقص ..عشان دلوقتي تكمليني
التعليقات