هخلع من كوكبنا اللطيف
و هطلع المريخ
هبدأ تاني ع نضيف
ريستارت يا تاريخ
زهقت م البني آدمين
مش قادر..حوارات
روحت الحرفيين و عملت سفينة فضاء
هاخد الناس اللذيذه
سوا سوا نتخبط
نتحرك من الجيزه
الرحله وان و تيكيت
هننسى كل اللي فات
و ب بوسه ..نعمل اسكريبت
الوضع هنا مش ظريف و كله ..
هحب واحده فضائيه عينيها واسعه و راسها دواريه
زهقت انا م الكورة الارضيه
قصص الحب كلها هي هي
هعمل حفل افتتاح بتاريخ .. ١/١
و الدخول للكل متاح
كلنا هنبقى واحد
مفييش وقوف ع الباب
مفيش طبقات
هنسمع عمرو دياب و هنسمع مهرجانات
و عادي ولاد الذوات هيحبوا الحرافيش
مفيش بينا خلافات
كلنا سوا هنعيش
مفيش عقد نفسيه
مفيش ناس غنيه
مفيش ناس فقيره
رحله جديده للبشريه
التعليقات