يا أمي .. فين راح لون السما ؟
أنا عارفه طول عمري .. ان السما لونها ازرق وان الشجر اخضر
وان الحمام يفرد جناحه بحريه .. بيطير و يغني
قلتيلي ابويا مسافر و مسيره راجع بالهدايا
مبيرجعش ليه متفهميني يا امي ايه الحكايه؟
امتي هرجع لأصحابي المدرسه؟
والله هذاكر هطلع زي مابابا عايزني مدرسه
طب وين اخويا جهاد وين اخويا سليم؟
ولا حد يسأل عنهم تعتيم تعتيم تعتيم
شايفه اخواتنا من بعيد طب ليه ساكتين؟
ريحه الموت بتحاصرنا و هم رأسهم فالطين
عارفه، كل بنات العالم يلعبوا لابسين فستان
خايفه، قلبي موجوع صدري مليان دخان
شايفه، عروستي ضايعه و فستاني اتحول رماد
حاسه بيكي يا امي عنيكي تقول القهر زاد
ردي عليا يا امي ارجوكي كفايه عياط
فهميني يا امي يعني ايه موت و دم و حرب بين بلاد
يعني ايه يا امي كلمه لاجئين؟ وأخداني يا امي رايحه فين
مين معانا و مين علينا .. طب امتي راجعين؟
ايدك في ايدي يا بنتي ارجوكي رحمه من السؤال
بكره راح تكبري الدنيا فيها مازال مازال
الفتره صعبه تائهين أنا و انتي بين بلاد
بس في يوم راجعين لكل دين يوم سداد
زي ابوكي و اخواتك أنا مش بقيالك
المستقبل جميل المستقبل كله بتاعك
هتكوني اشطر بنت و تصيري اعظم أُم
مين قدك و يبختك نيالك
المبداء واحد مهما سمعتي كلام كتير
هيكذبوكي و ينسوكي مفيش فزمنا خير
عايزاكي ثابته قويه و تدافعي عن القضيه
وتعلي صوتك جامد صوتك صوت الحريه
أنا حاسه بيكي يا بنتي و حاسه بكل اللي اتقال
و قلبي واجعني عليكي واعمل ايه غير الترحال
اخواتنا بعيد شاهدين لكن متكتفين
حاسين بعجز اه من نهايه يوم الدين
ربك معانا هينصرنا و مكملين
التعليقات